LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے

عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز

Web Desk

20 November 2026

متحدہ عرب امارات میں مقیم معروف پاکستانی گلوکار اور فنکار عظیم ڈار نے دبئی ورلڈ ٹریڈ سینٹر میں جاری عالمی آرٹ میلے ’ورلڈ آرٹ دبئی 2026ء‘ کے بارہویں ایڈیشن میں بطور مہمانِ اعزاز (گیسٹ آف آنر) خصوصی شرکت کی۔

عالمی نمائش کی انتظامیہ نے معروف پاکستانی فنکار کا پرتپاک استقبال کیا اور انہیں خصوصی وی آئی پی پروٹوکول کے تحت نمائش کا دورہ کروایا، جہاں مختلف ممالک سے شریک فنکاروں، بین الاقوامی آرٹ گیلریز اور منفرد تخلیقی فن پاروں کے بارے میں تفصیلی بریفنگ دی گئی۔ خصوصی وی آئی پی ٹور کے دوران عظیم ڈار نے مختلف ممالک کے فنکاروں اور آرٹ گیلریز کے اسٹالز کا دورہ کیا اور مصوری، مجسمہ سازی، جدید تخلیقی فنون اور ڈیجیٹل آرٹ کے نمونوں کا گہرائی سے مشاہدہ کیا۔

اس موقع پر عظیم ڈار نے فنکاروں کی تخلیقی صلاحیتوں اور عالمی معیار کے فن پاروں کو سراہتے ہوئے کہا کہ آرٹ اور موسیقی مختلف تہذیبوں اور قومیتوں کے درمیان ثقافتی روابط مضبوط بنانے کا مؤثر ذریعہ ہیں۔ انہوں نے ورلڈ آرٹ دبئی جیسے بین الاقوامی پلیٹ فارمز کو دنیا بھر کے فنکاروں کے لیے اپنی صلاحیتیں اور ثقافتی ورثہ متعارف کروانے کا اہم موقع قرار دیا۔

المدثر نیوز ایجنسی کے مطابق عظیم ڈار نے اپنے دورے کے دوران دبئی پولیس کے پویلین کا بھی خصوصی وزٹ کیا، جہاں انہوں نے دبئی پولیس کی جانب سے پیش کیے گئے یادگاری سووینئرز، منفرد تخلیقی اشیا اور فن پاروں میں گہری دلچسپی ظاہر کی۔ انہوں نے پویلین میں موجود مختلف اشیا کا تفصیلی جائزہ لیا اور دبئی پولیس کی جانب سے ثقافتی و تخلیقی سرگرمیوں میں بھرپور شرکت کو سراہا۔ پاکستانی گلوکار نے متحدہ عرب امارات میں فنونِ لطیفہ، ثقافتی ہم آہنگی اور تخلیقی سرگرمیوں کے فروغ کے لیے کیے جانے والے مثالی اقدامات کی بھی تعریف کی۔

واضح رہے کہ دبئی ورلڈ ٹریڈ سینٹر میں 19 سے 22 نومبر تک جاری رہنے والے ورلڈ آرٹ دبئی 2026ء میں 65 سے زائد ممالک کے 300 سے زیادہ نمائش کنندگان تقریباً 10 ہزار فن پارے پیش کر رہے ہیں، جن میں مصوری، مجسمہ سازی، فوٹوگرافی اور جدید فنون کے مختلف نمونے شامل ہیں۔

آخر میں عظیم ڈار نے نمائش کی انتظامیہ کی جانب سے بطور مہمانِ اعزاز مدعو کیے جانے، شاندار استقبال اور وی آئی پی پروٹوکول پر شکریہ ادا کرتے ہوئے متحدہ عرب امارات کو مختلف قومیتوں اور ثقافتوں کے فنکاروں کے لیے ایک اہم بین الاقوامی مرکز قرار دیا، اور آرٹ، موسیقی و ثقافتی سرگرمیوں کے ذریعے پاکستان اور متحدہ عرب امارات کے دوستانہ تعلقات کو مزید فروغ دینے کی اہمیت پر زور دیا۔