LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا سعودیہ کی حوثی باغیوں کیخلاف مہم آئندہ سال تک طویل کرنے کی تیاری بلغاریہ میں پانچ سال تک بڑے سائبر حملوں، ہیکنگ آپریشن کا انکشاف صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون مغربی سینیگال کے ساحل پر تارکین وطن کی کشتی الٹنے سے ایک شخص ہلاک عجمان میں پہلے عالمی میڈیا فورم 2026ء کا انعقاد، 17 ممالک کے 68 مقررین شریک تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ بلاول بھٹو کے بیان پر وفاقی وزرا کی چیخیں نکل رہی ہیں: سعید غنی بھارت کے پاس 36 میں سے 32 رافیل طیارے رہ گئے: برطانوی جریدے کی پاکستان مؤقف کی تصدیق پوتن اور شی میں مذاکرات دوستانہ ماحول میں ہوئے، ٹرمپ سے بھی بات چیت ہوگی: کریملن پرنس ولیم سے ملاقات میں سیف علی خان کے شاہی خاندانی پس منظر کا بھی ذکر

شارجہ میں فلم سٹار میرا کی بہن کے انتقال پر تعزیتی تقریب، شوبز شخصیات کی شرکت

Web Desk

19 November 2026

متحدہ عرب امارات کی ریاست شارجہ میں معروف پاکستانی فلم اسٹار میرا کی مرحومہ بہن شائستہ کے انتقال پر ایک پُروقار تعزیتی تقریب کا اہتمام کیا گیا، جس میں شوبز، سیاست، کاروبار اور میڈیا سے وابستہ نمایاں شخصیات کے علاوہ اوورسیز پاکستانی کمیونٹی کی بڑی تعداد نے شرکت کی۔

شارجہ کے علاقے موئیلح میں واقع ’’کراچی اسٹار ریسٹورنٹ‘‘ میں منعقدہ اس تعزیتی اجتماع کے منتظمین کے مطابق اداکارہ میرا کی بہن شائستہ گزشتہ دنوں برطانیہ میں کینسر کے موذی مرض میں مبتلا رہنے کے بعد خالقِ حقیقی سے جا ملی تھیں۔ تقریب کے آغاز میں مرحومہ کے ایصالِ ثواب کے لیے قرآن خوانی کی گئی اور ان کے درجات کی بلندی کے لیے خصوصی دعا مانگی گئی۔

تعزیتی تقریب کی میزبانی معروف سوشل میڈیا انفلوئنسر اور فنکار فہد اسد نے انجام دی، جبکہ کراچی اسٹار ریسٹورنٹ کے مالک شاہد بنگش اور فلم ڈائریکٹر و پروڈیوسر نیہا لاج بھی انتظامات میں پیش پیش رہیں۔ اس موقع پر فلم اسٹار میرا نے تمام شرکا سے فرداً فرداً ملاقات کی اور غم کی اس گھڑی میں شریک ہونے اور اظہارِ ہمدردی پر ان کا تہہ دل سے شکریہ ادا کیا۔

تقریب میں پاکستان پیپلز پارٹی متحدہ عرب امارات کے صدر میاں منیر ہانس، سید سلیم شاہ، ڈاکٹر ظفر، ڈاکٹر نور صباح، اشفاق، کاشف، یاسمین اروڑا، یاسمین کنول، بابا دبئی، کاشف ملک، شمروز، وحید، مسٹر پن، راحیل، حمزہ، دانش، نعمان، رابی، رضوان، عبید اور معروف سوشل میڈیا انفلوئنسر ’’پاور آف شارجہ‘‘ سمیت متعدد شخصیات نے شرکت کر کے میرا اور ان کے اہلِ خانہ سے دلی تعزیت اور یکجہتی کا اظہار کیا۔

اجتماعی دعائے مغفرت کے موقع پر کمیونٹی رہنماؤں کا کہنا تھا کہ دیارِ غیر میں مقیم پاکستانی خوشی اور غمی کے ہر موقع پر ایک دوسرے کے شانہ بشانہ کھڑے رہتے ہیں، جو باہمی اخوت اور بھائی چارے کی روشن مثال ہے۔ تقریب کے اختتام پر تمام مہمانوں کے لیے کھانے کا بھی خصوصی اہتمام کیا گیا۔