سونے کی قیمت میں فی تولہ 4900 روپے کمی، چاندی بھی سستی

عالمی اور مقامی صرافہ مارکیٹوں میں سونے اور چاندی کی قیمتوں میں نمایاں کمی ریکارڈ کی گئی ہے، جس کے بعد صرافہ بازاروں میں خریداروں کو ریلیف ملا ہے۔ مقامی صرافہ مارکیٹوں کے مطابق 24 قیراط فی تولہ سونے کی قیمت میں 4,900 روپے کی بڑی کمی واقع ہوئی ہے جس سے سونا سستا ہو کر 4 لاکھ 11 ہزار 636 روپے کا ہو گیا، جبکہ 10 گرام سونے کی قیمت 4,201 روپے کم ہو کر 3 لاکھ 52 ہزار 911 روپے پر آ گئی۔ دوسری جانب عالمی مارکیٹ میں بھی سونے کے نرخ کم ہوئے جہاں فی اونس سونا 49 ڈالر سستا ہو کر 3 ہزار 891 ڈالر کی سطح پر بند ہوا۔ علاوہ ازیں، مقامی مارکیٹ میں چاندی کی قیمتوں میں بھی تنزل دیکھا گیا ہے جہاں 24 قیراط فی تولہ چاندی 111 روپے کی کمی کے بعد 5 ہزار 467 روپے میں فروخت ہونے لگی ہے۔