اجوکا تھیٹر کا پنجابی فیچر فلم بالی جٹی بنانے کا اعلان

دہائیوں پر محیط ڈرامائی خدمات کے بعد معروف ’اجوکا تھیٹر‘ نے سینما کی دنیا میں قدم رکھتے ہوئے پنجابی لوک تھیٹر کی پہلی معروف خاتون فنکارہ بالی جٹی (عنایت بی بی) کی زندگی پر اپنی پہلی فیچر فلم کا باقاعدہ اعلان کر دیا ہے۔ لاہور میں منعقدہ تقریب کے دوران فلم کا لوگو، ٹیزر اور گانا پیش کیا گیا، جس میں شاہد ندیم کی ہدایت کاری میں بالی جٹی کی فنی جدوجہد، 1970ء کی دہائی کے پنجابی ثقافتی ماحول اور لوک تھیٹر کے سنہری دور کو عکاس بنایا جائے گا۔ تقریب میں عارف لوہار، ڈاکٹر فوزیہ سعید، عباس جٹ اور خاور ریاض سمیت معروف شخصیات نے شرکت کی۔ فلم کی عکسبندی لاہور کے گردونواح میں کی جائے گی اور مارچ تک تیاری کا ہدف رکھا گیا ہے، جسے بعد ازاں ملک بھر کے سینما گھروں، بین الاقوامی سطح اور او ٹی ٹی (OTT) پلیٹ فارمز پر نمائش کے لیے پیش کیا جائے گا