عظمیٰ بخاری کے بیان پر مسلم لیگ کا ردعمل بھی سامنے آگیا

ترجمان مسلم لیگ مصطفیٰ ملک نے عظمیٰ بخاری کے بیان پر شدید ردِعمل دیتے ہوئے کہا ہے کہ جب انہیں آئینہ دکھایا گیا تو وہ برا مان گئیں اور چوہدری سالک حسین کے سوالوں کے جواب دینے کے بجائے ذاتی حملوں پر اتر آئیں۔ انہوں نے سوال اٹھایا کہ جب عظمیٰ بخاری میاں نواز شریف کو ’را‘ کا ایجنٹ قرار دے رہی تھیں، اس وقت ان کا ضمیر کہاں تھا؟ ترجمان نے کہا کہ سارا پاکستان جانتا ہے بدزبانی میں عظمیٰ بخاری کا کوئی ثانی نہیں، لیکن خاتون ہونے کے ناطے وہ بہرحال قابلِ احترام ہیں، ورنہ کسی بھی جواب پر وہ ’وومن کارڈ‘ لے آئیں گی۔ مصطفیٰ ملک نے مزید کہا کہ سیاسی اختلاف کو ذاتی دشمنی میں بدلنا سیاسی کمزوری کا ثبوت ہے، بے بنیاد الزامات کے باوجود چوہدری سالک حسین نے ہمیشہ تہذیب اور شائستگی کا دامن تھامے رکھا۔