صاف توانائی کے اہداف کیلئے پاکستان کو 188 ارب ڈالر درکار ہیں، شہباز شریف

ترکیہ کے شہر انطالیہ میں اقوامِ متحدہ کی 31ویں موسمیاتی تبدیلی کانفرنس (COP31) کے موقع پر ’2035 تک گرین انرجی پر منتقلی‘ کے عنوان سے منعقدہ اعلیٰ سطح کے اجلاس سے خطاب کرتے ہوئے وزیراعظم شہباز شریف نے عالمی برادری اور ترقی یافتہ ممالک پر زور دیا ہے کہ وہ موسمیاتی فنانسنگ کے وعدے پورے کریں۔ وزیراعظم نے بتایا کہ پاکستان کے قومی گرڈ میں صاف توانائی کا حصہ 55 فیصد ہو چکا ہے، جبکہ حال ہی میں 1200 میگاواٹ کے ساتویں جوہری بجلی گھر کے اہم حصے کا افتتاح اور الیکٹرک گاڑیوں کی پالیسی متعارف کرائی گئی ہے۔ انہوں نے واضح کیا کہ 2035 تک کم کاربن اخراج کے اہداف کے لیے پاکستان کو 138 ارب ڈالر اور کوئلے کے پاور پلانٹس کو شمسی توانائی میں منتقل کرنے کے لیے مزید 50 ارب ڈالر کی اشد ضرورت ہے۔ انہوں نے عالمی شراکت داروں پر زور دیا کہ وہ مقروض معیشتوں کو آسان شرائط پر مالی معاونت اور سستی ٹیکنالوجی فراہم کریں۔