توشہ خانہ ٹو کیس میں بانی پی ٹی آئی اور بشریٰ بی بی کی اپیل دائر نہ ہو سکی

توشہ خانہ ٹو کیس میں بانی پی ٹی آئی اور بشریٰ بی بی کے وکالت ناموں پر دستخط نہ ہونے کے باعث اپیل دائر نہیں ہو سکی۔ وکیل خالد یوسف چودھری نے بتایا کہ وہ تین گھنٹے تک اڈیالہ جیل کے باہر منتظر رہے لیکن جیل حکام نے کہا کہ کل دوبارہ آئیں۔

وکیل کے مطابق وکالت ناموں پر دستخط اور جیل حکام کی تصدیق کے بعد ہی اپیل دائر کی جا سکے گی۔ خالد یوسف چودھری نے مزید کہا کہ کل دوبارہ کوشش کی جائے گی تاکہ وکالت ناموں پر دستخط اور تصدیق حاصل کی جا سکے۔