گندے موزوں میں 3 ہزار مکڑیاں چھپا کر بیرون ملک سمگل کرنے کی کوشش ناکام

پیرو کے دارالحکومت لیما کے جارج شاویز انٹرنیشنل ایئرپورٹ پر کسٹمز حکام نے جرمنی کے لیے کی جانے والی اسمگلنگ کی ایک منفرد اور حیران کن کوشش ناکام بناتے ہوئے 3 ہزار سے زائد ‘ٹارنٹولا’ مکڑیاں برآمد کر لیں۔ پیرو کے قومی جنگلات و جنگلی حیات کے ادارے (SERFOR) کے مطابق دو جرمن اور ایک پولش شہری کے تین سوٹ کیسوں میں گندے موزوں کے اندر یہ زندہ مکڑیاں چھپائی گئی تھیں۔ سیکیورٹی جانچ کے دوران سامان کے اندر غیرمعمولی حرکت محسوس ہونے پر تلاشی لی گئی تو موزوں سے انڈوں، نومولود اور بالغ مکڑیوں پر مشتمل پورا ذخیرہ نکل آیا۔ حکام کے مطابق یورپ میں ایک نایاب ٹارنٹولا کی قیمت 500 یورو تک ہے، جس کے تحت ضبط کی گئی مکڑیوں کی کل مالیت تقریباً 15 لاکھ یورو (سوا 45 کروڑ پاکستانی روپے سے زائد) بنتی ہے۔ پولیس نے تینوں مشتبہ غیر ملکیوں کو حراست میں لے کر ان کے خلاف وائلڈ لائف اسملنگ کی قانونی کارروائی شروع کر دی ہے۔