5300 برس قدیم انسانی باقیات سے گردے کی پتھری دریافت

ماہرینِ آثارِ قدیمہ نے جنوب مغربی روس کے علاقے اسٹاوروپول اپ لینڈ میں کانسی کے ابتدائی دور کے ایک قدیم مٹی کے ٹیلے (کرگن) کی کھدائی کے دوران 5300 سال قبل وفات پانے والے ایک شخص کا ڈھانچا اور اس کے جسم سے انگور کے برابر مثانے یا گردے کی پتھری دریافت کی ہے۔ لومونوسوف ماسکو اسٹیٹ یونیورسٹی کی ماہرِ بشریات اور تحقیق کی مرکزی مصنفہ نتالیہ بریزینا کے مطابق تقریباً 40 سالہ اس شخص کی قبر سے کوارٹز کا بنا تیر کا پھل بھی ملا ہے، جبکہ اس غیر معمولی جسامت کی پتھری سے ظاہر ہوتا ہے کہ وہ شخص پیشاب کی نالی کے دائمی انفیکشن اور شدید جسمانی پیچیدگیوں کا شکار رہا ہو گا جس کے باعث اسے اپنی زندگی کے آخری ایام میں مسلسل اور ناقابلِ برداشت درد برداشت کرنا پڑا۔ ماہرینِ آثارِ قدیمہ کے مطابق یہ نایاب دریافت قدیم دور کے انسانوں کی صحت، بیماریوں اور ان کے طرزِ زندگی پر روشنی ڈالنے میں کلیدی اہمیت رکھتی ہے۔