سونا پھر مہنگا: فی تولہ قیمت میں 9600 روپے کا بڑا اضافہ، عالمی منڈی میں بھی نمایاں تیزی

کراچی کی صرافہ مارکیٹ میں سونے اور چاندی کی قیمتوں میں زبردست اضافہ ریکارڈ کیا گیا ہے، جہاں فی تولہ سونا 9600 روپے کے نمایاں اضافے کے ساتھ 4 لاکھ 35 ہزار 636 روپے کی نئی سطح پر پہنچ گیا۔ اسی طرح 10 گرام سونے کی قیمت 8230 روپے کے اضافے سے 3 لاکھ 73 ہزار 487 روپے ہو گئی۔ عالمی مارکیٹ میں فی اونس سونا 96 ڈالر مہنگا ہو کر 4131 ڈالر فی اونس پر ٹریڈ ہوا۔ دوسری جانب، چاندی کی فی تولہ قیمت میں بھی 100 روپے کا اضافہ دیکھا گیا، جس کے بعد اس کی قیمت 5763 روپے فی تولہ پر جا پہنچی۔