انٹرنیٹ ٹیکنالوجی سے انسانی ترقی کا فرق بڑھنا نہیں چاہئے: چینی وزارت خارجہ

چین نے واضح کیا ہے کہ جدید ٹیکنالوجی کو انسانوں کے تابع ہونا چاہیے نہ کہ انسان کو ٹیکنالوجی کے رحم و کرم پر چھوڑا جائے اور نہ ہی اس کے ذریعے ترقی کی شرح میں تفاوت کو بڑھنے کی اجازت دی جانی چاہیے۔ بیجنگ میں یومیہ پریس بریفنگ کے دوران عالمی انٹرنیٹ کانفرنس 2026ء کے آغاز کے موقع پر چینی وزارتِ خارجہ کی ترجمان ماؤ ننگ نے زور دیا کہ انٹرنیٹ اور جدید ٹیکنالوجی کا بنيادی مقصد انسانی صلاحیتوں کو تقویت دینا، انتخاب کی آزادی میں وسعت لانا اور عوامی فلاح و بہبود کو بہتر بنانا ہونا چاہیے۔ انہوں نے کہا کہ چین ڈیجیٹل جدت، علم کے اشتراک اور ٹیکنالوجی کی منتقلی کے لیے کھلے پن کی پالیسی پر گامزن رہے گا اور دنیا بھر کے ممالک کے ساتھ مل کر ایک جامع، متحرک اور مشترکہ ڈیجیٹل ماحولیاتی نظام کی تعمیر کے لیے اپنی کوششیں جاری رکھے گا۔