امریکی وسط مدتی انتخابات میں ڈونلڈ ٹرمپ کو شکست کا سامنا، ڈیموکریٹ پارٹی واضح اکثریت سے کامیابی کی جانب گامزن

امریکا میں وسط مدتی انتخابات کے لیے پولنگ کا وقت ختم ہونے کے بعد مختلف ریاستوں سے نتائج کی آمد کا سلسلہ جاری ہے، جہاں ڈیموکریٹس نے ایوانِ نمائندگان کا کنٹرول حاصل کر لیا ہے۔ امریکی میڈیا کے مطابق 435 نشستوں والے ایوانِ نمائندگان میں ڈیموکریٹس 194 اور ری پبلکنز 110 نشستیں حاصل کر چکے ہیں، جبکہ سینیٹ کی دوڑ میں بھی ڈیموکریٹس کو 53 نشستوں کے ساتھ برتری حاصل ہے اور ری پبلکنز 41 نشستیں جیت سکے ہیں۔ گورنرز کے انتخاب میں ڈیموکریٹس نے 22 جبکہ ری پبلکنز نے 11 ریاستوں میں کامیابی حاصل کی ہے۔ مشی گن سے سینیٹ کے مسلمان ڈیموکریٹ امیدوار عبدل السید 55.2 فیصد ووٹ حاصل کر کے واضح برتری برقرار رکھے ہوئے ہیں، جبکہ شمالی کیرولینا میں رائے کوپر کی متوقع کامیابی سے ڈیموکریٹس کی سینیٹ پر گرفت مزید مضبوط ہونے کی قوی امید ظاہر کی جا رہی ہے۔