ضلع مہمند میں پولیو ٹیم کی سیکورٹی پر مامور پولیس اہلکاروں پر فائرنگ، ایلیٹ فورس کے 2 جوان شہید، 1 زخمی

ضلع مہمند کی تحصیل پنڈیالی کے علاقے تمانزئی میں پولیو ٹیم کی حفاظت پر مامور پولیس اہلکاروں پر نامعلوم افراد کی جانب سے فائرنگ کی گئی، جس کے نتیجے میں ایلیٹ فورس کے 2 جوان شہید اور 1 زخمی ہو گیا۔ پولیس حکام کے مطابق شہید ہونے والے اہلکاروں کی شناخت عربی اور ظہور کے ناموں سے ہوئی ہے۔ واقعہ کے فوراً بعد پولیس اور قانون نافذ کرنے والے اداروں کی بھاری نفری موقع پر پہنچ گئی اور علاقے کو گھیرے میں لے کر سرچ آپریشن شروع کر دیا گیا ہے، جبکہ زخمی اہلکار کو طبی امداد کے لیے ہسپتال منتقل کر دیا گیا ہے۔