وفاقی وزیر صحت نے اسلام آباد کے شہریوں کیلئے ہیلتھ کمپلینٹ مینجمنٹ سسٹم کا آفتتاح کردیا

وفاقی وزیر صحت سید مصطفیٰ کمال نے فیڈرل ڈائریکٹوریٹ آف امیونائزیشن میں ہیلتھ کمپلینٹ مینجمنٹ سسٹم کا باقاعدہ افتتاح کر دیا ہے، جس کے تحت شہریوں کی سہولت اور فوری ازالے کے لیے ہیلپ لائن نمبر 1166 متعارف کرا دیا گیا ہے۔ نئے خودکار نظام کے تحت اسلام آباد کے شہری وزارتِ صحت اور اس کے تمام ذیلی اداروں و اسپتالوں سے متعلق اپنی شکایات براہِ راست کال کے ذریعے درج کرا سکیں گے، جس سے دفتری چکر کاٹنے کا خاتمہ ہوگا۔ وزارت میں قائم کردہ مرکزی ڈیش بورڈ کے ذریعے وفاقی وزیرِ صحت خود تمام شکایات کی منتقلی، متعلقہ افسران کی کارروائی اور مسائل کے حل کے مراحل کی براہِ راست مانیٹرنگ کریں گے۔ یہ سسٹم نہ صرف اسپتالوں میں سروس ڈیلیوری کا قابلِ سراغ ریکارڈ مرتب کرے گا بلکہ شہر کے مختلف علاقوں میں درپیش بيماریوں اور صحت کے چیلنجز کی نشاندہی میں بھی مدد فراہم کرے گا۔