امریکی بحری ناکابندی کے باوجود ایرانی ٹینکر 20 لاکھ بیرل تیل لے کر چین پہنچ گیا

امریکی بحری ناکابندی اور شدید کشیدگی کے باوجود 20 لاکھ بیرل خام تیل سے لدا ایرانی آئل ٹینکر ساڑھے تین ماہ کے طویل بحری سفر کے بعد چین کی بندرگاہ پر پہنچ گیا ہے۔ ٹینکر ٹریکر کمپنی کی جانب سے جاری کردہ سیٹلائٹ تصاویر نے ایرانی ٹینکر کے چینی بندرگاہ پر لنگرانداز ہونے کی باضابطہ تصدیق کی ہے۔ ایرانی ذرائع ابلاغ کے مطابق امریکہ کی جانب سے 14 جولائی سے عائد کی جانے والی بحری ناکابندی کے بعد یہ پہلا موقع ہے کہ خام تیل سے بھرا کوئی ایرانی جہاز کامیابی کے ساتھ چین پہنچنے میں کامیاب ہوا ہے۔