پاکستان کا امریکی وزیر خارجہ کے بیان کا خیرمقدم، دہشتگردوں کیخلاف اقدامات کا مطالبہ

دفترِ خارجہ نے امریکی وزیرِ خارجہ کے بیان کا خیرمقدم کرتے ہوئے کہا ہے کہ پاکستان، افغانستان کے ساتھ مذاکرات کے لیے امریکہ سمیت تمام دوست ممالک کی مخلصانہ سہولت کاری کا خیرمقدم کرے گا۔ ترجمان نے واضح کیا کہ کسی بھی بامعنی مذاکرات کی کامیابی کے لیے ضروری ہے کہ افغان طالبان حکومت اپنی سرزمین سے متحرک ٹی ٹی پی، فتنہ الخوارج، بی ایل اے اور دیگر دہشت گرد گروہوں کے خلاف قابلِ تصدیق اور ٹھوس کارروائیاں کرے۔ ترجمان دفترِ خارجہ کا مزید کہنا تھا کہ پاکستان تعمیری روابط اور سفارتی مذاکرات کے لیے بدستور تیار ہے، تاہم اس عمل کے نتیجے میں پاکستان کے جائز سیکیورٹی خدشات اور قومی سلامتی سے جڑے مسائل کا عملی حل نکلنا ناگزیر ہے۔