ملک میں بڑی صنعتوں کی سالانہ ترقی 0.7 فیصد بڑھ گئی: ادارہ شماریات

پاکستان ادارہ شماریات (PBS) نے ملک بھر میں بڑی صنعتوں (LSM) کی پیداوار سے متعلق تازہ اعداد و شمار جاری کر دیے ہیں، جن کے مطابق صنعتی پیداوار میں سالانہ بنیادوں پر 0.7 فیصد اضافہ ریکارڈ کیا گیا ہے۔ رپورٹ کے مطابق نئے مالی سال کے ابتدائی دو ماہ کے دوران لارج اسکیل مینوفیکچرنگ کی مجموعی کارکردگی میں 1.9 فیصد کا مثبت رجحان رہا، تا ہم ماہانہ بنیادوں پر صنعتی کارکردگی میں 5 فیصد کمی دیکھی گئی۔ شعبہ وار جائزہ کے مطابق آٹو سیکٹر کی پیداوار میں 11.7 فیصد، پیٹرولیم سیکٹر میں 31.9 فیصد اور ملبوسات کی صنعت میں 10.9 فیصد اضافہ ہوا، جبکہ دوسری جانب کیمیکل سیکٹر کی پیداوار میں 12.9 فیصد اور آئرن اینڈ اسٹیل سیکٹر میں 11.6 فیصد کی کمی ریکارڈ کی گئی ہے۔