سٹاک مارکیٹ میں اتار چڑھاؤ، ہنڈرڈ انڈیکس مثبت زون میں بند ہوا

پاکستان اسٹاک مارکیٹ میں کاروباری ہفتے کے آخری روز کاروبار کا ملا جلا رجحان رہا، تاہم دن بھر کے اتار چڑھاؤ کے بعد مارکیٹ مثبت زون میں بند ہوئی۔ ٹریڈنگ کے آغاز پر ہنڈرڈ انڈیکس میں 413 پوائنٹس کا اضافہ دیکھا گیا اور یہ 1 لاکھ 66 ہزار 500 پوائنٹس کی حد عبور کر گیا تھا، اور کاروبار کے اختتام پر انڈیکس 233 پوائنٹس کے اضافے کے ساتھ 1 لاکھ 66 ہزار 419 پوائنٹس کی سطح پر بند ہوا۔ یاد رہے کہ گزشتہ روز بھی مارکیٹ میں زبردست تیزی رہی تھی اور انڈیکس 768 پوائنٹس بڑھ کر 1 لاکھ 66 ہزار 186 پوائنٹس پر بند ہوا تھا، جس سے سرمایہ کاروں میں اعتماد کی بحالی کا تسلسل جاری ہے۔