جرمن چانسلر کا سعوی ولی عہد سے رابطہ، مشرق وسطیٰ میں کشیدگی پر تبادلہ خیال

جرمن چانسلر فریڈرک مرز اور سعودی عرب کے ولی عہد شہزادہ محمد بن سلمان کے درمیان ٹیلی فونک رابطہ ہوا ہے، جس میں مشرقِ وسطیٰ کی سیکیورٹی صورتحال، علاقائی کشیدگی اور توانائی کے عالمی بحران پر تفصیلی تبادلہ خیال کیا گیا۔ گفتگو کے دوران ریاض ایئرپورٹ اور سعودی عرب پر حوثیوں کے حملوں اور سمندری راستوں کی ناکہ بندی کی سخت الفاظ میں مذمت کی گئی۔ جرمن چانسلر نے تہران پر زور دیا کہ ایران خطے کو غیر مستحکم کرنے والے اقدامات اور گوریلا سرپرستی سے فوری گریز کرتے ہوئے سنجیدہ مذاکرات کی راہ اپنائے۔ اِس کے علاوہ دونوں رہنماؤں نے خطے کی کشیدگی کے باعث عالمی مارکیٹ اور بالخصوص جرمنی میں توانائی کی بڑھتی ہوئی قیمتوں اور سپلائی چین پر پڑنے والے اثرات کا بھی جائزہ لیا۔