ایران سفارتکاری کیلئے تیار، امریکی جواب کا جائزہ آخری مرحلے میں ہے، کاظم غریب آبادی

ایرانی نائب وزیر خارجہ کاظم غریب آبادی نے واضح کیا ہے کہ تہران سفارتکاری کے ہر عمل کا خیرمقدم کرتا ہے اور ایران نے کبھی بھی کسی فریق کے ساتھ بات چیت سے راہِ فرار اختیار نہیں کی، تاہم مذاکرات کا حقیقت پسندانہ بنیادوں پر ہونا ضروری ہے۔ عرب میڈیا کو انٹرویو دیتے ہوئے کاظم غریب آبادی نے انکشاف کیا کہ ایرانی پیش کردہ فارمولے پر امریکا کے موصولہ جواب کا جائزہ اب آخری مراحل میں داخل ہو چکا ہے۔ انہوں نے امریکی انتظامیہ کو خبردار کرتے ہوئے کہا کہ جب تک واشنگٹن اپنے طے شدہ وعدوں پر عمل درآمد کو یقینی نہیں بناتا، اِس وقت تک ایران سے کسی قسم کی لچک یا تحرک کی توقع نہ رکھی جائے۔