پی ٹی آئی کا شو ختم، قومی پرچم نہ اٹھانے والوں کی نسلیں تباہ کر دیں گے: فیصل واوڈا

سینیٹر فیصل واوڈا نے اسلام آباد پریس کلب میں پریس کانفرنس کرتے ہوئے دعویٰ کیا ہے کہ تحریک انصاف کا سیاسی شو اب مکمل طور پر ختم ہو چکا ہے اور خیبر پختونخوا میں امن و امان کی خراب صورتحال کے باعث ایمرجنسی کا نفاذ صوبے کے عوام کے مفاد میں ناگزیر تھا۔ ان کا کہنا تھا کہ پرچم اور قومی ترانے کی بے حرمتی کرنے والوں یا شہدا کے خلاف بات کرنے والوں کو کسی صورت برداشت نہیں کیا جائے گا۔ فیصل واوڈا نے کہا کہ خیبر پختونخوا میں پچھلے 13 سال کی حکومت میں صرف تباہی ہوئی، تاہم اب نیا سیٹ اپ آ چکا ہے اور 60 دن کے اندر مثبت نتائج نظر آنا شروع ہو جائیں گے۔ انہوں نے مزید کہا کہ دہشت گردی کے خاتمے اور ملک کی ترقی کے لیے تمام اہم سیاسی قیادت اور اداروں کو مل کر آگے بڑھنا ہوگا جبکہ گورنر فیصل کریم کنڈی کے پاس اب ناکامی کا کوئی اور آپشن موجود نہیں ہے۔