او آئی سی کی حوثی حملوں کی شدید مذمت، سعودی حکومت کی بھرپور حمایت کا اعلان

اسلامی تعاون تنظیم (OIC) نے سعودی عرب کے جنوبی علاقوں اور ایئرپورٹ کو نشانہ بنانے کے حوثی اقدامات کی شدید الفاظ میں مذمت کرتے ہوئے مملکت کی سلامتی، خودمختاری اور علاقائی استحکام کے لیے اپنی غیر متزلزل حمایت کا اعادہ کیا ہے۔ او آئی سی کے سیکرٹری جنرل حسین ابراہیم طہٰ نے اپنے خصوصی بیان میں خبردار کیا کہ حوثیوں کی جانب سے مسلسلت حملے اور خطرناک اشتعال انگیزی یمن میں جاری بین الاقوامی امن کوششوں اور ممکنہ سیاسی حل کو سبوتاژ کرنے کے مترادف ہیں۔ انہوں نے واضح کیا کہ ایسے اقدامات بین الاقوامی قوانین اور ریاستوں کی خودمختاری کے صریحاً خلاف ہیں، جبکہ تنظیم اپنی قومی سلامتی اور شہریوں کے تحفظ کے لیے سعودی عرب کے اٹھائے جانے والے تمام اقدامات کے ساتھ مکمل یکجہتی کا اظہار کرتی ہے۔