ایمان مزاری اور ہادی علی چٹھہ کی ضمانت کی درخواستوں پر سماعت ملتوی

انسداد دہشت گردی عدالت نے احتجاج، دہشت گردی اور دفعہ 144 کی خلاف ورزی کے کیس میں ایمان مزاری اور ہادی علی چٹھہ کی ضمانت کی درخواستوں پر سماعت 17 اکتوبر تک ملتوی کر دی ہے۔ ڈیوٹی جج طاہر عباس سپرا نے کیس کی سماعت کی، جس دوران شیریں مزاری نے عدالت کو بتایا کہ ملزمان کو ملاقاتوں کے حوالے سے سخت مشکلات کا سامنا کرنا پڑتا ہے۔ عدالت کو بتایا گیا کہ متعلقہ جج کے رخصت پر ہونے کے باعث سماعت اب 17 اکتوبر کو ہوگی، جبکہ وکلا کی جانب سے تاریخ میں ردو بدل کی استدعا بھی کی گئی جسے عدالت نے ریکارڈ پر لے لیا۔