بانی پی ٹی آئی سے کل ملاقات کرنے والوں کے نام جیل حکام ارسال

پاکستان تحریک انصاف (پی ٹی آئی) نے اڈیالہ جیل میں بانی پی ٹی آئی سے کل ہونے والی ملاقات کے لیے اپنے رہنماؤں اور قانونی ٹیم کے ناموں پر مشتمل فہرست جیل حکام کو ارسال کر دی ہے۔ موصولہ فہرست میں چیئرمین پی ٹی آئی بیرسٹر گوہر علی خان، نیاز اللہ نیازی، ایڈووکیٹ خالد یوسف چوہدری، فیصل ملک، چوہدری اویس اور غلام مصطفیٰ بلوچ شامل ہیں۔ پی ٹی آئی رہنماؤں اور وکلا کی کل جیل آمد اور بانی پی ٹی آئی سے اہم قانونی و سیاسی مشاورت کے لیے ملاقات متوقع ہے۔ دوسری جانب اڈیالہ جیل کے اطراف راولپنڈی پولیس کی جانب سے سیکیورٹی کے انتہائی سخت انتظامات کیے گئے ہیں اور گشت میں اضافہ کر دیا گیا ہے۔