ایمان مزاری اور ہادی علی چٹھہ کی جیل میں وکلا سے ملاقات کرانے کا حکم

انسداد دہشت گردی عدالت اسلام آباد نے بیرئیر ہٹانے کے مقدمے میں زیر حتمی حراست ایمان مزاری اور ہادی علی چٹھہ کی ان کے قانونی مشیروں سے جیل میں ملاقات کرانے کا حکم دے دیا ہے۔ اے ٹی سی کے جج طاہر عباس سپرا کی عدالت میں ہونے والی سماعت کے دوران ڈاکٹر شیریں مزاری اور دیگر وکلاء پیش ہوئے۔ دورانِ سماعت وکیل ریاست علی آزاد نے مؤقف اپنایا کہ مؤکلین سے ملاقات کے بغیر مقدمہ آگے نہیں چلایا جا سکتا، جس پر عدالت نے ریاست علی آزاد، زینب جنجوعہ اور ایمل خان کو جیل میں ملزمان سے ملاقات کی اجازت دینے کی ہدایت کی۔ عدالت نے استفسار کیا کہ مقدمے میں مزید کتنے گواہ باقی ہیں جس پر پراسیکیوٹر نے 9 گواہ موجود ہونے کا بتایا۔ دوسری جانب ہادی علی چٹھہ نے طویل قید اور عدالت میں پیش نہ کرنے پر تحفظات کا اظہار کرتے ہوئے کہا کہ جیل میں ملاقات کے مقامات پر کیمرے لگے ہونے سے وکیل اور مؤکل کی باضابطہ گفتگو متاثر ہوتی ہے۔ عدالت نے کیس کی مزید سماعت 14 اکتوبر تک ملتوی کر دی ہے۔