پاکستان سٹاک ایکسچینج میں کاروبار کے آغاز پر تیزی

پاکستان سٹاک مارکیٹ (PSX) میں گزشتہ روز کے شدید مندی کے رجحان کے بعد ہفتے کے دوسرے کاروباری روز مثبت پیش رفت دیکھنے میں آئی ہے، جہاں 100 انڈیکس میں 900 سے زائد پوائنٹس کا زبردست اضافہ ریکارڈ کیا گیا ہے۔ کاروبار کے آغاز پر خریداروں کی دلچسپی کے باعث انڈیکس 1 لاکھ 66 ہزار کی اہم حد عبور کرتے ہوئے 1 لاکھ 66 ہزار 70 پوائنٹس کی سطح پر پہنچ گیا۔ واضح رہے کہ گزشتہ کاروباری روز کے اختتام پر 100 انڈیکس 1,964 پوائنٹس کی شدید کمی کے بعد 1 لاکھ 65 ہزار 124 پوائنٹس کی سطح پر بند ہوا تھا، تاہم منگل کو مارکیٹ نے بروقت بحالی کا اشارہ دیا ہے۔