کے پی میں گورنر راج: قومی اسمبلی اور سینیٹ کے اجلاس آج طلب

صدر مملکت آصف علی زرداری نے وزیراعظم کی ایڈوائس پر خیبر پختونخوا میں گورنر راج اور ایمرجنسی کے نفاذ کی توثیق کے لیے پارلیمنٹ کے دونوں ایوانوں (سینیٹ اور قومی اسمبلی) کے الگ الگ اجلاس آج شام سوا چھ بجے پارلیمنٹ ہاؤس میں طلب کر لیے ہیں، جن کا ایجنڈا بھی جاری کر دیا گیا ہے۔ ذرائع کے مطابق اجلاسوں کے دوران خیبر پختونخوا میں ایمرجنسی کے نفاذ سے متعلق باضابطہ بل یا قراردادیں منظوری کے لیے پیش کیے جانے کا قوی امکان ہے۔ اِس سلسلے میں پارلیمانی حکمت عملی طے کرنے کے لیے مسلم لیگ (ن) کی پارلیمانی کمیٹی کا اہم اجلاس بھی آج شام چار بجے طلب کر لیا گیا ہے، جہاں حکومتی اتحاد ارکان کو پارلیمنٹ میں حاضری یقینی بنانے کی ہدایات جاری کی جائیں گی۔