خیبرپختونخوا میں 6 ڈویژنوں کے کمشنرز تبدیل

خیبرپختونخوا میں انتظامی سیٹ اپ اور ہنگامی حالات کے پیش نظر صوبائی بیوروکریسی میں بڑے پیمانے پر ردوبدل کرتے ہوئے 6 ڈویژنوں کے کمشنرز کی نئی تعیناتیوں اور تبادلوں کے احکامات جاری کر دیے گئے ہیں۔ جاری کردہ اعلامیے کے مطابق کمشنر بنوں خالد محمود کو تبدیل کر کے کمشنر پشاور تعینات کر دیا گیا ہے، جبکہ احمد علی شاہ کو کمشنر مردان، سمیع اللہ کو کمشنر بنوں، شاکر اللہ کو کمشنر ہزارہ اور اقبال حسین کو کمشنر ملاکنڈ مقرر کیا گیا ہے۔ دوسری جانب سابق کمشنر پشاور ریاض خان محسود اور سابق کمشنر مردان حبیب اللہ کو او ایس ڈی (OSD) بنا دیا گیا ہے، جبکہ سابق کمشنر ہزارہ شاہد اللہ اور سابق کمشنر ملاکنڈ مسعود احمد کو اسٹیبلشمنٹ ڈویژن میں رپورٹ کرنے کی ہدایت جاری کی گئی ہے۔