جبوتی سے یمن جانے والی تارکین وطن کی کشتی الٹ گئی، 139 افراد ہلاک

افریقی ملک جبوتی سے یمن جانے والی تارکینِ وطن کی ایک لکڑی کی کشتی سمندر میں الٹنے کے نتیجے میں 15 بچوں سمیت 139 افراد جاں بحق ہو گئے ہیں، جبکہ 84 افراد تاحال لاپتہ ہیں اور 82 کو ریسکیو کر لیا گیا ہے۔ اقوامِ متحدہ کے انسانی حقوق اور ہجرت کے ادارے کے مطابق حادثہ جبوتی کے ساحلی شہر اوبوک کے قریب اس وقت پیش آیا جب 305 تارکینِ وطن سے اوور لوڈڈ کشتی سمندری لہروں کا مقابلہ نہ کر سکی۔ واقعے کے فوراً بعد مقامی حکام اور امدادی ٹیموں نے سمندر میں ریسکیو آپریشن شروع کر کے لاپتہ افراد کی تلاش جاری رکھی ہوئی ہے۔ یہ المناک سانحہ ہارن آف افریقہ سے خلیجی ممالک کی جانب بہتر روزگار اور مستقبل کی تلاش میں غیر قانونی و خطرناک سمندری راستے اختیار کرنے والے تارکینِ وطن کو درپیش سنگین درپیش خطرات کی نشاندہی کرتا ہے۔