وزیراعظم کا طالبہ کی خودکشی کے واقعے کا نوٹس، ملزم فوری گرفتار کرنے کا حکم

وزیراعظم محمد شہباز شریف نے اسلام آباد میں انٹرنیشنل اسلامک یونیورسٹی (IIUI) کی طالبہ لائبہ اعجاز کے مبینہ فراڈ سے دل برداشتہ ہو کر خود کرنے کے افسوسناک واقعے کا سخت نوٹس لے لیا ہے۔ وزیراعظم نے واقعے پر گہرے دکھ اور افسوس کا اظہار کرتے ہوئے انسپکٹر جنرل پولیس اسلام آباد اور چیف کمشنر کو فوری طور پر ہدایت کی ہے کہ مرحومہ طالبہ کے ساتھ مبینہ فراڈ اور دباؤ میں ملوث نامزد ملزم کو فوراً حراست میں لیا جائے۔ انہوں نے اس عزم کا اعادہ کیا کہ قانون کی بالادستی کو یقینی بناتے ہوئے ملزم کو قرار واقعی سزا دی جائے گی تاکہ ایسے حوادث کی روک تھام کی جا سکے۔