اسلام آباد میں دفعہ 144 نافذ، اجتماعات پر پابندی اور خلاف ورزی پر سخت کارروائی کا انتباہ

وفاقی دارالحکومت اسلام آباد میں ضلعی انتظامیہ نے دفعہ 144 نافذ کرتے ہوئے شہر بھر میں کسی بھی قسم کے سیاسی یا عوامی اجتماع، جلوس اور اکٹھ پر مکمل پابندی کا اعلان کر دیا ہے۔ ترجمان ضلعی انتظامیہ کے مطابق ’پیس فل اسمبلی اینڈ پبلک آرڈر ایکٹ 2024‘ کے تحت وفاقی دارالحکومت میں بغیر اجازت اجتماعات پر قانوناً پابندی عائد ہے اور اس کی خلاف ورزی کرنے والوں کے خلاف بلاامتیاز سخت قانون سازی عمل میں لائی جائے گی، جس کے تحت مرتکب افراد کو 3 سال تک قید کی سزا کا سامنا کرنا پڑ سکتا ہے۔ انتظامیہ نے شہریوں اور تمام سیاسی پارٹیوں سے اپیل کی ہے کہ وہ کسی بھی غیر قانونی سرگرمی کا حصہ نہ بنیں اور شہر میں امن و امان کی فضا برقرار رکھنے کے لیے سیکیورٹی اداروں کے ساتھ تعاون کریں۔