شارجہ میں خوشبوؤں کی بڑی ایکسپو سج گئی،200 کمپنیوں کی شرکت

شارجہ ایکسپو سینٹر میں ‘امارات پرفیومز اینڈ عود نمائش’ کے چوتھے ایڈیشن اور ‘مڈل ایسٹ آرائشِ حسن شو’ کے دوسرے دور کا باقاعدہ افتتاح کر دیا گیا ہے۔ نمائش کا افتتاح شارجہ چیمبر آف کامرس اینڈ انڈسٹری کے چیئرمین عبداللہ سلطان العویس اور ایکسپو سینٹر کے چیف ایگزیکٹو سیف محمد المدفع نے کیا۔ اس عالمی نمائش میں متحدہ عرب امارات، سعودی عرب، قطر، ترکیہ، چین اور بھارت سمیت مختلف ممالک سے 200 سے زائد کمپنیاں اور 700 کے قریب تجارتی برانڈز شریک ہیں، جو مشرقی و مغربی خوشبوئیں، عود، بخور، اور سکن و ہیئر کیئر مصنوعات پیش کر رہے ہیں۔ شارجہ ایکسپو سینٹر میں یہ باوقار تجارتی اور عوامی نمائش 18 اکتوبر 2026ء تک جاری رہے گی۔