سیاسی رابطوں میں تیزی، شہباز شریف کی مولانا فضل الرحمان سے اہم ملاقات جاری

وزیراعظم محمد شہباز شریف اور جمعیت علمائے اسلام (ف) کے سربراہ مولانا فضل الرحمان کے درمیان اسلام آباد میں ایک اہم ملاقات ہوئی ہے، جس میں ملک کی مجموعی سیاسی صورتحال، خیبر پختونخوا میں سیاسی کشیدگی میں کمی اور باہمی دلچسپی کے امور پر تفصیلی تبادلہ خیال کیا گیا۔ اس ملاقات سے قبل وزیراعظم نے مولانا فضل الرحمان سے ٹیلی فون پر رابطہ کرکے انہیں عمرے کی سعادت پر مبارکباد دی تھی اور انہیں ملاقات کی دعوت دی تھی۔ ذرائع کے مطابق ملاقات کے دوران کے پی حکومت کے ساتھ جاری کشیدگی اور پارلیمانی امور پر پیش رفت کا جائزہ لیا گیا، جبکہ حال ہی میں اسپیکر قومی اسمبلی سردار ایاز صادق اور دیگر ن لیگ رہنماؤں کی مولانا سے ہونے والی ملاقاتوں کی روشنی میں درپیش سیاسی مسائل کے حل اور باہمی تعاون پر غور کیا گیا۔