خیبرپختونخوا بارے ایوان صدر میں ہونیوالے اجلاس کی اندرونی کہانی سامنے آگئی

ایوانِ صدر میں صدر مملکت آصف علی زرداری کی صدارت میں خیبر پختونخوا کی امن و امان کی صورتحال سے متعلق ہونے والے اہم اعلیٰ سطحی اجلاس کی اندرونی کہانی سامنے آگئی ہے، جس میں صوبے میں آئین کے آرٹیکل 232 اور 234 (ہنگامی حالت / گورنر راج) کی منظوری کے لیے کل وفاقی کابینہ کا ہنگامی اجلاس طلب کرنے کا فیصلہ کیا گیا ہے۔ ذرائع کے مطابق صدر اور وزیراعظم نے اس بات پر اتفاق کیا کہ ریاست کا امن و سلامتی پر کوئی سمجھوتہ نہیں ہوگا اور کسی کو ملک کا امن خراب کرنے کی اجازت نہیں دی جائے گی۔ اجلاس کو بریفنگ میں بتایا گیا کہ خیبر پختونخوا حکومت کا وفاق سے عدم تعاون، پولیس ایکٹ 2026ء پر نظرثانی نہ ہونا، سیکیورٹی معاملات میں سیاسی مداخلت اور نیشنل ایکشن پلان پر عملدرآمد نہ ہونا صوبے کو سنگین سیکیورٹی بحران کی طرف دھکیل رہا ہے، جس کے تدراک کے لیے سخت قانونی و انتظامی اقدامات ناگزیر ہو چکے ہیں۔