پاکستان پولٹری پیداوار میں 11ویں نمبر پر، برآمدات بڑھانے کی ضرورت ہے: وزیر خزانہ

وفاقی وزیر خزانہ محمد اورنگزیب نے کہا ہے کہ پاکستان دنیا بھر میں پولٹری کی پیداوار میں 11ویں نمبر پر ہے اور یہ شعبہ سالانہ 2.5 ارب کلوگرام گوشت اور 28 ملین انڈے پیدا کرتا ہے، تاہم عالمی پولٹری مارکیٹ کا حجم 45 ارب ڈالر ہونے کے باوجود پاکستان کی برآمدات 4 ملین ڈالر سے زیادہ نہیں ہیں۔ انٹرنیشنل پولٹری ایکسپو سے خطاب کرتے ہوئے انہوں نے کہا کہ 15 لاکھ خاندانوں سے وابستہ اس صنعت کی استعداد سے بھرپور فائدہ اٹھانے اور برآمدات بڑھانے کے لیے ہنگامی بنیادوں پر اقدامات کی ضرورت ہے۔ وفاقی وزیر نے اس بات پر بھی زور دیا کہ ملک بھر میں سیلز ٹیکس چوری کا فوری تدارک کیا جائے تاکہ معیشت مستحکم ہو سکے، اور کہا کہ وزیراعظم خود ٹیکس چوری روکنے کے اقدامات کی نگرانی کر رہے ہیں جبکہ حکومت پولٹری انڈسٹری کو درپیش تمام مسائل حل کرنے کے لیے پرعزم ہے۔