پی ٹی آئی نے خیبرپختونخوا دہشت گردوں کے حوالے کر دیا:عطا اللہ تارڑ

وفاقی وزیر اطلاعات عطا اللہ تارڑ نے اسلام آباد میں پریس کانفرنس کرتے ہوئے خیبر پختونخوا میں تحریک انصاف کی حکومت پر شدید تنقید کی ہے اور الزام عائد کیا ہے کہ پی ٹی آئی کی غلط پالیسیوں اور کالعدم ٹی ٹی پی کے شدت پسندوں کو دوبارہ بسانے کے باعث صوبے کا امن داؤ پر لگ گیا ہے۔ انہوں نے کہا کہ پاک فوج نے آپریشن ضربِ عضب اور ردالفساد کے ذریعے خطے میں امن قائم کیا، لیکن صوبائی حکومت دہشت گردوں کی سہولت کاری کر کے صوبے کو بدامنی کی طرف دھکیل رہی ہے۔ عطا اللہ تارڑ نے انکشاف کیا کہ این ایف سی ایوارڈ کے تحت انسدادِ دہشت گردی کے لیے ملنے والے 700 ارب روپے کے باوجود کے پی میں سی ٹی ڈی کو فعال بنانے یا سیف سٹی منصوبوں پر کوئی کام نہیں ہوا۔ انہوں نے صوبائی حکومت سے سیاسی محاذ آرائی اور احتجاجی سیاست کے بجائے امن و امان، صحت اور تعلیم کے ترقیاتی منصوبوں پر توجہ دینے کا مطالبہ کیا۔