مذاکرات میں ڈیڈلاک کی بنیادی وجہ بانی پی ٹی آئی تک رسائی ہے: اسد قیصر

اپوزیشن کے مذاکراتی رکن اور سابق اسپیکر قومی اسمبلی اسد قیصر نے پشاور سے جاری اپنے ایک بیان میں انکشاف کیا ہے کہ حکومت اور اپوزیشن کے درمیان مذاکرات میں ڈیڈلاک کی اصل وجہ بانی پی ٹی آئی تک رسائی کا نہ ہونا ہے۔ انہوں نے کہا کہ ہم نے اپنے تمام مطالبات واپس لینے کی پیشکش کرتے ہوئے صرف یہ مطالبہ کیا تھا کہ سیاسی قیادت کو بانی پی ٹی آئی سے ملاقات اور مشاورت کی اجازت دی جائے، تاہم حکومت نے اس مؤقف کو یکسر مسترد کر دیا۔ اسد قیصر کا کہنا تھا کہ مسلم لیگ (ن) اور پیپلز پارٹی اپنی قیادت سے مشاورت کی مجاز ہیں تو پی ٹی آئی اپنے قائد سے مشاورت کیوں نہیں کر سکتی؟ انہوں نے اس مطالبے کو دہشت گردی سے جوڑنے کی تردید کرتے ہوئے اسے سیاسی عمل کا ناگزیر حصہ قرار دیا۔