مذاکرات ناکامی کی دو بنیادی وجوہات، اپوزیشن وفد بے اختیار تھا: طارق فضل چودھری

وفاقی وزیر طارق فضل چودھری نے کہا ہے کہ حکومت اور اپوزیشن کے مذاکرات کی ناکامی کی بنیادی وجہ اپوزیشن کے وفد کا بے اختیار ہونا تھا کیونکہ تمام اختیارات خیبرپختونخوا حکومت کے پاس تھے۔ پارلیمنٹ ہاؤس میں میڈیا سے گفتگو کرتے ہوئے انہوں نے واضح کیا کہ لانگ مارچ کو کسی صورت اسلام آباد داخل نہیں ہونے دیا جائے گا اور مارچ اٹک سے آگے نہیں آ سکے گا۔ طارق فضل چودھری نے الزام عائد کیا کہ اپوزیشن نہ صرف دہشت گردی کی مذمت نہیں کرتی بلکہ ان کی ترجیحات میں بانی پی ٹی آئی سے ملاقاتیں سرفہرست ہیں۔ اس کے ساتھ ہی انہوں نے انکشاف کیا کہ وفاقی حکومت خیبرپختونخوا میں ایمرجینسی کے نفاذ کے آپشن پر سنجیدگی سے غور کر رہی ہے۔