پنجاب کے بیشتر اضلاع میں 6 اور 7 اکتوبر کو بارش کی پیشگوئی، الرٹ جاری

پرووینشل ڈیزاسٹر مینجمنٹ اتھارٹی (پی ڈی ایم اے) پنجاب نے صوبہ بھر میں 6 سے 7 اکتوبر تک بارشوں کے حوالے سے باضابطہ الرٹ جاری کر دیا ہے۔ ترجمان پی ڈی ایم اے کے مطابق راولپنڈی، مری، گلیات، لاہور، فیصل آباد، گوجرانوالہ، سرگودھا اور دیگر اضلاع میں بارش کا امکان ہے جبکہ مری اور گلیات کے پہاڑی علاقوں میں لینڈ سلائیڈنگ کا بھی خدشہ ظاہر کیا گیا ہے۔ ڈی جی پی ڈی ایم اے سیف انور جپہ نے تمام ضلعی انتظامیہ اور متعلقہ محکموں کو الرٹ رہنے کی ہدایات جاری کرتے ہوئے شہریوں سے اپیل کی ہے کہ وہ خراب موسم میں غیر ضروری سفر سے گریز کریں اور ایمرجنسی صورتحال میں پی ڈی ایم اے کی ہیلپ لائن 1129 پر رابطہ کریں۔