افغانستان پر ماسکو فارمیٹ اجلاس، پاکستان کی اعلیٰ سطحی وفد کے ساتھ شرکت

روس کے دارالحکومت ماسکو میں افغانستان سے متعلق ماسکو فارمیٹ مشاورت کا آٹھواں اجلاس شروع ہو گیا ہے، جس میں پاکستان سمیت خطے کے مختلف ممالک کے اعلیٰ سطحی وفود شریک ہیں۔ پاکستانی وفد کی قیادت وزیراعظم کے معاونِ خصوصی اور افغانستان کے لیے خصوصی نمائندے سفیر محمد صادق کر رہے ہیں۔ اجلاس کے دوران علاقائی امن و سلامتی، انسدادِ دہشت گردی، اقتصادی روابط اور افغانستان کی موجودہ صورتِ حال پر تفصیلی تبادلہ خیال کیا جا رہا ہے۔ پاکستانی حکام نے اس موقع پر اپنے مؤقف کا اعادہ کرتے ہوئے کہا ہے کہ افغانستان میں پائیدار امن پورے خطے کی خوشحالی کے لیے ناگزیر ہے اور مشترکہ چیلنجز سے نمٹنے کے لیے باہمی تعاون کو فروغ دینا ہوگا۔