بانی پی ٹی آئی سے پاکستان کی خاطر بات چیت کرنی چاہیے: علامہ ناصر عباس

اپوزیشن لیڈر علامہ ناصر عباس نے کہا ہے کہ ملکی مفاد کی خاطر بانی پی ٹی آئی کے ساتھ مذاکرات کیے جانے چاہئیں۔ گفتگو کرتے ہوئے انہوں نے زور دیا کہ حکمران غرور، تکبر اور انا کے اڑن کھٹولے سے نیچے اتریں کیونکہ اگر موجودہ کشیدگی کا یہی سلسلہ جاری رہا تو پورا پاکستان سڑکوں پر نکل آئے گا۔ علامہ ناصر عباس نے مزید کہا کہ ہم کسی بے گناہ کے جانی نقصان یا تکلیف نہیں چاہتے، اس لیے جلد آل پارٹیز کانفرنس بلائی جائے گی اور لانگ مارچ کے حوالے سے بھی پرامن حل اور روٹ طے کرنے کے لیے بیٹھنا ہوگا۔