نئی جنگ کی صورت میں خطے کے امریکی اتحادی بھی متاثر ہوں گے: ایران

ایران کی مسلح افواج کے چیف آف جنرل اسٹاف میجر جنرل علی عبداللہی نے خبردار کیا ہے کہ کسی بھی نئی جنگ کی صورت میں اس کے شعلے خطے میں امریکا کی میزبانی کرنے والے تمام ممالک تک پھیل جائیں گے۔ انہوں نے دو ٹوک الفاظ میں کہا کہ ایران کسی بھی ممکنہ فوجی کارروائی کا منہ توڑ اور سخت جواب دینے کی بھرپور صلاحیت رکھتا ہے اور وہ امریکی وسط مدتی انتخابات کے نتائج کا ہرگز انتظار نہیں کر رہا۔ اس کے علاوہ، ایرانی عسکری عہدیدار نے عالمی جوہری توانائی ایجنسی (IAEA) کو تنقید کا نشانہ بناتے ہوئے اس کے تبصروں کو بے بنیاد قرار دیا اور ادارے کو “بھیڑ کی کھال میں بھیڑیا” قرار دیا۔