ایم ٹی آنر 25 کے باقی تین پاکستانی عملے کے ارکان بھی بحفاظت بازیاب

نائب وزیراعظم و وزیر خارجہ اسحاق ڈار نے اعلان کیا ہے کہ ایم ٹی آنر 25 کے باقی تین پاکستانی عملے کے ارکان عمران علی، محمد یاسین اور سید حسین یوسف کو بحفاظت بازیاب کرا لیا گیا ہے۔ سوشل میڈیا پر اپنے بیان میں انہوں نے بتایا کہ تینوں پاکستانیوں کو جبوتی میں پاکستانی سفارتخانے کی ٹیم کے ہمراہ ادیس ابابا پہنچا دیا گیا ہے، جہاں سے وہ متوقع طور پر 7 اکتوبر کو ایتھوپین ایئرلائنز کی پرواز کے ذریعے پاکستان روانہ ہوں گے۔ اسحاق ڈار نے اس کامیاب ریسکیو آپریشن میں تعاون پر حکومت صومالیہ اور یورپی یونین نیول فورس (EUNAVFOR) آپریشن اٹلانٹا کا شکریہ ادا کیا۔