امریکا سعودی عرب کو فوجی مدد فراہم کر رہا ہے، امریکی حکام

امریکی حکام نے انکشاف کیا ہے کہ امریکا سعودی عرب کو حوثیوں کے خلاف عسکری کارروائیوں کے لیے فعال فوجی مدد فراہم کر رہا ہے۔ نیویارک ٹائمز سے گفتگو کرتے ہوئے امریکی حکام نے بتایا کہ امریکی اہلکار سعودی عرب کو اہداف کے تجزیے اور ان کے انتخاب میں معاونت فراہم کر رہے ہیں، جبکہ دفاعی گشت کے لیے فضائی ایندھن کی فراہمی کا سلسلہ بھی جاری ہے۔ ذرائع کے مطابق یہ امریکی فوجی معاونت بنیادی طور پر سعودی عرب کی دفاعی صلاحیتوں کو مضبوط بنانے اور حوثیوں کے خلاف کارروائیوں میں تعاون تک محدود ہے۔