’اپنی چھت، اپنا گھر‘ منصوبے کی کامیابی، مریم نواز کو عالمی اعزاز سے نواز دیا گیا

وزیراعلیٰ پنجاب مریم نواز شریف نے مسقط کے تاریخی کنونشن اینڈ ایگزیبیشن سینٹر میں منعقدہ ورلڈ ہیبیٹٹ ڈے کی تقریب میں ’اپنی چھت، اپنا گھر‘ پراجیکٹ پر ’یواین ہیبیٹٹ سکرول آف آنر‘ ایوارڈ وصول کر لیا ہے۔ اقوام متحدہ کے اس اعلیٰ ترین بین الاقوامی اعزاز کے لیے دنیا بھر کے 150 سے زائد پراجیکٹس میں سے پنجاب کے اس ہاؤسنگ پراجیکٹ کو سرفہرست قرار دیا گیا، جو کہ پاکستان کی تاریخ میں پہلی بار کسی صوبے کے منصوبے کو ملا ہے۔ وزیراعلیٰ مریم نواز نے یہ وقار ایوارڈ پراجیکٹ کے تحت اپنے گھر بنانے والے افراد کے نام منسوب کیا۔ تقریب میں میانمار، برازیل، تیونس اور لندن کے عمائدین کو بھی یہ ایوارڈ دیا گیا۔