وزیراعظم شہباز شریف اور امریکی صدر ڈونلڈ ٹرمپ کی ملاقات، تصاویر جاری

وائٹ ہاؤس نے وزیراعظم پاکستان محمد شہباز شریف اور امریکی صدر ڈونلڈ ٹرمپ کی غیر رسمی ملاقات کی تصاویر باضابطہ طور پر جاری کر دی ہیں۔ وائٹ ہاؤس اور سفارتی ذرائع کے مطابق یہ ملاقات اقوام متحدہ کی جنرل اسمبلی کے 81 ویں اجلاس کے موقع پر عالمی رہنماؤں اور وفود کے اعزاز میں امریکی صدر کی جانب سے دی گئی خصوصی استقبالیہ ضیافت کے دوران ہوئی۔

تصاویر میں دونوں رہنماؤں کو خوشگوار موڈ میں گفتگو کرتے ہوئے دیکھا جا سکتا ہے۔ اس موقع پر وزیراعظم شہباز شریف اور امریکی صدر ڈونلڈ ٹرمپ کے درمیان باہمی دلچسپی کے امور، پاک امریکہ دوطرفہ تعلقات اور علاقائی و عالمی صورتحال پر تبادلۂ خیال ہوا۔ ضیافت کے دوران ہونے والی اس ملاقات کو دونوں ممالک کے درمیان سفارتی اور تعلقات کی استواری کے حوالے سے اہم پیش رفت قرار دیا جا رہا ہے۔