میاں چنوں ایچ آئی وی پازیٹو آنے کا معاملہ، سیکرٹری ہیلتھ کا سخت ایکشن

میاں چنوں کے ڈائیلاسز یونٹ میں علاج کے دوران ایک مریض کے مبینہ طور پر ایچ آئی وی (HIV) پازیٹو آنے کے گنھمبیر معاملے کا سیکرٹری ہیلتھ پنجاب نے سخت نوٹس لے لیا ہے۔ طبی غفلت اور سیکیورٹی پروٹوکولز کی خلاف ورزی کی اطلاعات سامنے آنے پر ہیلتھ ڈیپارٹمنٹ کی جانب سے فوری انتظامی و تادیبی کارروائی عمل میں لائی گئی ہے۔

سیکرٹری ہیلتھ نے واقعے پر برہمی کا اظہار کرتے ہوئے چیف ایگزیکٹو آفیسر (سی ای او) ہیلتھ خانیوال ڈاکٹر منیب احمد کو فوری طور پر عہدے سے ہٹا دیا ہے۔ انتظامی تبدیلی کے تحت ڈاکٹر ارشد عباس کو ضلع خانیوال کا نیا سی ای او ہیلتھ تعینات کر دیا گیا ہے۔ حکام کا کہنا ہے کہ ڈائیلاسز یونٹ میں مریضوں کی منتقلی اور ایس او پیز پر عمل درآمد کا تفصیلی جائزہ لینے کے لیے انکوائری کمیٹی بھی تشکیل دے دی گئی ہے تاکہ ذمہ داران کا تعین کر کے ان کے خلاف قانونی اور محکماتی کارروائی کی جا سکے۔