میر رضا کیس میں جوڈیشل کمیشن کی سفارشات پر عمل ہوگا: آئی جی سندھ

انسپکٹر جنرل آف پولیس (IGP) سندھ جاوید عالم اوڈھو نے کہا ہے کہ ہائی پروفائل میر رضا کیس میں جوڈیشل کمیشن کی جانب سے پیش کی جانے والی تمام سفارشات پر من و عن عمل درآمد کیا جائے گا۔

میر رضا کیس کے حوالے سے میڈیا سے گفتگو کرتے ہوئے آئی جی سندھ کا کہنا تھا کہ صوبے میں امن و امان کی بحالی اور شہریوں کے جان و مال کا تحفظ پولیس کی اولین ذمہ داری ہے، تاہم فرائض کی انجام دہی کے دوران اگر کہیں پولیس کی جانب سے غفلت یا کوتاہی برتی گئی ہے تو اس کا جائزہ لے کر اصلاح کی جائے گی۔ انہوں نے اس عزم کا اعظادہ کیا کہ سندھ پولیس صوبے میں قانون کی حکمرانی اور عوام کے تحفظ کے لیے بھرپور اقدامات کر رہی ہے اور انصاف کے تقاضے پورے کیے جائیں گے۔