ایران کی امریکا کو آبنائے ہرمز میں مداخلت پر دھمکی، فوجی اڈوں کو نشانہ بنانے کا اعلان

ایران کے پاسدارانِ انقلاب نے امریکہ کو آبنائے ہرمز میں ایرانی قواعد و ضوابط کی خلاف ورزی کرنے پر سخت نتائج بھگتنے کی خبردار کیا ہے۔ سرکاری ویب سائٹ پر جاری بیان میں کہا گیا ہے کہ اگر امریکی فوج نے اسٹریٹجک آبی گزرگاہ سے گزرنے والے جہازوں کو حفاظتی حصار فراہم کرنا بند نہ کیا تو مشرقِ وسطیٰ میں موجود امریکی فوجی اڈوں کو نشانہ بنایا جائے گا۔ پاسدارانِ انقلاب نے دعویٰ کیا ہے کہ اس کی بحریہ نے خلیج میں تیل کی ترسیل میں مصروف چار جہازوں کو بیک وقت نشانہ بنایا ہے جبکہ تین دیگر جہاز مغربی حصے میں بارودی سرنگوں سے ٹکرا کر متاثر ہوئے ہیں، تاہم ان دعوؤں کی آزادانہ ذرائع سے تصدیق نہیں ہو سکی۔ واضح رہے کہ عالمی توانائی کی ترسیل کے اس اہم ترین راستے کو ایران نے مارچ سے بند کر رکھا ہے۔