سونا اور چاندی آج بھی سستے ہو گئے، قیمت میں بڑی کمی

کراچی: بین الاقوامی اور مقامی صرافہ مارکیٹوں میں جمعہ کے روز غیر یقینی جیو پولیٹیکل صورتحال کے باعث سونا اور چاندی کی قیمتوں میں بڑی کمی ریکارڈ کی گئی ہے۔

عالمی بلین مارکیٹ میں فی اونس سونے کی قیمت میں 56 ڈالر کی بڑی نوعیت کی کمی واقع ہوئی، جس کے بعد بین الاقوامی سطح پر فی اونس سونا 4 ہزار 342 ڈالر کی سطح پر آ گیا۔

• فی تولہ سونا: 5 ہزار 600 روپے کی بڑی کمی کے ساتھ قیمت 4 لاکھ 56 ہزار 736 روپے کی سطح پر آگئی۔

• فی 10 گرام سونا: 4 ہزار 801 روپے سستا ہو کر 3 لاکھ 91 ہزار 577 روپے کا ہو گیا۔

دوسری جانب چاندی کی قیمتوں میں بھی مندی کا رحجان برقرار رہا۔ عالمی مارکیٹ میں فی اونس چاندی 2 ڈالر 53 سینٹس کی کمی سے 63 ڈالر 92 سینٹس کی سطح پر آنے کے باعث مقامی صرافہ مارکیٹوں میں قیمتیں درج ذیل سطح پر پہنچ گئیں:

• فی تولہ چاندی: 253 روپے کی کمی کے بعد 6 ہزار 871 روپے ہو گئی۔

• فی 10 گرام چاندی: 217 روپے گھٹ کر 5 ہزار 890 روپے کی سطح پر ریکارڈ کی گئی۔